Svar

Þegar talað er um lýðræðishalla (e. democratic deficit) í ESB er einkum átt við að stefnumótun sambandsins sé ekki eða hafi ekki verið nógu opin, lýðræðisleg og gagnsæ. Einnig að Evrópubúar hafi ekki nóga samkennd með Evrópu í samanburði við upprunasvæði sitt eða þjóðerni. Lýðræðishallinn birtist m.a. þegar tillögur frá valdastofnunum sambandsins eru felldar í þjóðaratkvæði í einstökum ríkjum. Lengi hefur verið unnið að því að draga úr þessum halla í sambandinu.