Evrópuvefurinn: Endurskoðunarréttur ESB

Hlusta

Endurskoðunarréttur ESB (e. European Court of Auditors) var stofnaður árið 1977 í þeirri viðleitni að bæta fjárhagsstjórn sambandsins. Rétturinn starfar í samræmi við staðla Alþjóðlegra samtaka endurskoðenda (e. International Federation of Accountants, IFAC) og Alþjóðlegra samtaka æðstu endurskoðunar meðal stofnana (e. International Organization of Supreme Audit Institutions, INTOSAI).

Endurskoðunarrétturinn hefur bækistöð í Lúxemborg og hjá honum vinna rúmlega 800 starfsmenn, þar af 27 dómarar, einn fyrir hvert aðildarríki ESB. Rétturinn er sjálfstæð stofnun og er dómurum gert að vera algjörlega sjálfstæðir í störfum sínum. Hann gefur út ársskýrslur, sérstök álit og skýrslur um tiltekin málefni er varða bókhald sambandsins. Öðrum stofnunum ESB, sem og aðilum sem fara með fjárráð fyrir hönd sambandsins, ríkisendurskoðun hvers aðildarríkis og öðrum viðeigandi ríkisstofnunum er skylt að útvega Endurskoðunarréttinum gögn eftir því sem hann þess óskar. Þegar rétturinn rannsakar mál í tilteknu aðildarríki vinnur hann í nánu samstarfi við ríkisendurskoðun þess ríkis.

Endurskoðunarréttur ESB

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hvers vegna hafa endurskoðendur ESB ekki viljað undirrita bókhald sambandsins?

Hefur ESB gert eitthvað til þess að bókhald þess verði áreiðanlegra?

Hvað segir ársskýrsla ESB fyrir árið 2009 um bókhald sambandsins?