Svar

Öryggis- og samvinnustofnun Evrópu, ÖSE (Organisation for Security and Co-operation in Europe, OSCE) var sett á fót árið 1973 og hefur aðsetur í Vínarborg. Hún reynir að koma í veg fyrir milliríkjadeilur, hafa taumhald á kreppum þegar þær koma upp og hjálpa ríkjum og svæðum að ná sér eftir deilur og átök. Aðilar að stofnuninni eru 55 ríki í Evrópu, Mið-Asíu og Norður-Ameríku. ÖSE heyrir EKKI undir Evrópusambandið en hefur engu að síður haft mikil áhrif í Evrópu.