Svar

Kola- og stálbandalag Evrópu (European Coal and Steel Community, ECSC) var stofnað árið 1952 og lagði grunninn að samrunaþróuninni í Evrópu. Aðilar voru í byrjun Þjóðverjar, Frakkar, Ítalir og Beneluxþjóðirnar, sömu þjóðir og stofnuðu Efnahagsbandalag Evrópu og Kjarnorkubandalagið fimm árum síðar. Þetta var tollabandalag um vörur sem skipta miklu í hernaði enda var mönnum á þessum tíma annt um að koma í veg fyrir fleiri styrjaldir milli aðildarþjóðanna. Samningurinn um bandalagið rann út árið 2002.