Svar

Fríverslunarsamtök Evrópu (European Free Trade Association, EFTA) voru stofnuð með Stokkhólms-samningnum árið 1960. Stofnríkin voru sjö: Austurríki, Bretland, Danmörk, Noregur, Portúgal, Sviss og Svíþjóð. Ísland varð aðili að samtökunum árið 1970. Síðan þá hafa samtökin dregist verulega saman en fimm af stofnríkjunum hafa yfirgefið samtökin og gengið í ESB. Nú eru aðildarríkin aðeins fjögur talsins: Ísland, Liechtenstein, Noregur og Sviss en þrjú þau fyrstnefndu eru jafnframt aðilar að samningi við ESB um Evrópska efnahagssvæðið, EES.

Í skilningi Alþjóða samkomulagsins um tollamál og viðskipti (The General Agreement on Tariffs and Trade, GATT) frá 1947 er EFTA fríverslunarsvæði (e. free-trade area).