Svar

Aðildarríki Evrópusambandsins hafa skuldbundið sig til að taka upp sameiginlegan gjaldmiðil sambandsins, evru, og mundi Ísland þurfa að gera það einnig ef við gerðumst aðili að sambandinu. Aðildarríkjum er á hinn bóginn í sjálfsvald sett hvenær þau gerast aðilar að gengissamstarfi Evrópu en tveggja ára þátttaka í því, án gengisfellingar, er eitt af svonefndum Maastricht-skilyrðum fyrir upptöku evru. Yfirstandandi efnahagsvandræði á evrusvæðinu eru besta sönnun þess hve mikilvægt er að ríki sem taka upp evruna séu vel undir það búin og taki skuldbindingar sínar alvarlega. Það eru ekki eingöngu hagsmunir viðkomandi ríkis heldur evrusvæðisins sem heildar.

Hægt er að lesa meira um möguleikann á inngöngu í Evrópusambandið án upptöku evru í svari við spurningunni Gæti Ísland gengið í ESB án þess að taka upp evru?

Myndbandið er einnig aðgengilegt á YouTube-síðu Evrópuvefsins.